ملاح الويكاب باللوبا

 ملاح الويكاب باللوبا 















ملاح الويكاب باللوبا
مقدار كوبين لوبا مدروشة ونضيفة ومغسلة جيدا ويفضل وضع مصفي عند غسيلها

نضعها في الحلة ومعها بصلتين وممكن ان نشوح البصلتين اول ثم نضيف الماء واللوبا( و حبة طماطم وحبة ماجي حسب الرغبة )ونتركه ليغلي قليلا ثم نضيف الويكاب(نذوب الويكاب في قليل من الماء) ونخفض النار
ا لويكاب بعمل عمل الكربونات يعني بهرس اللوبا تماما وبعد يغلي وتشعري انو استوي اضيفي كوب صغير زيت افضل السمسم وكوب حليب اولبن حليب وفول سوداني دكوة مقدار معلقتين طبعا ذوبيهم في قليل من الماء اضيفي البهارات التي ترغبين والملح ثم افركي بالمفراك بعدها اضيفي الويكة المطحونة بالمقدار المناسب وماتكتري الويكة لان الملاح اصلا تقيل
بعد كده يؤكل مع عصيدة او كسرة وممكن تضيفي السمن علي الوجه
بالنسبة للويكاب
هذا شكله 

الويكاب موجود في سوق امدرمان محل النسوان الببيعوا الكسرة وعند بتاعين البهارات بتلقي اللوبا مدروش جاهز ونضيف
وممكن يكون مطحون جاهز 



0 تعليقات