|
بسكويت ( بشكل جديد )
الشيف أحمد القاضي
المقادير :
- 700 جم دقيق
- 400 جم زبدة
- 200 جم سكر بودرة
- بيضتين
- 50 جم لبن
- معلقة صغيرة بيكنج بودر ( حوالي نصف باكو )
- شوية فانيليا
الحشو ( عجوة - ملبن - قرفة )
الطريقة :
- في الماكينة نضرب الزبدة والسكر ( ضرب مش قوى يعنى لفتين بس ) ثم نضيف البيض ثم اللبن ثم الدقيق مضاف اليه الفانيليا والبيكنج بودر والماكينة شغالة حتى تتجانس العجينة ونطلعها من الماكينة ونتركها ترتاح .
- نحضر العجينة ونقطع منها قطع صغيرة ونكورها ونبططها باليد ونضع بها قطعة صغيرة من الحشو ( عجوة او عجمية او ملبن ) أو نكورها ونغمسها من ناحية بجوز الهند او بالسمسم وممكن نخلط جزء من العجينة بشوية قرفة ونخلطهم جيدا ونلفها صوابع ونضعها في الصاج وندخلها الفرن ثم نخرجه من الفرن بعد التسوية ويقدم .
ملحوظة للشيف :
- عجينة هذا البسكوت لا تصلح لعملها بماكينة البسكوت التقليدية لأنها عجينة ناشفة ولا تشكل الا باليد
- لمعرفة ان العجمية استوت وهى على النار يكون جنبنا حاجة فيها ماء ساقع واخذ بمعلقة صغيرة من العجمية ونضعها في الماء الساقع ان لقيناها مسكت وعملت حاجة مثل الكورة يبقى كده استوت ويجب التقليب فيها على النار باستمرار وينصح الشيف بان تقعد لمدة يوم حتى تبرد قبل العمل بها .
نقلا من منتدي الدي في دي الشيف الباروطي
المشاركات
